Edu - Guide | სწავლა საზღვარგარეთ, სტაჟირებები, სტიპენდიები, styde abroud

პროფესიულ პროგრამებზე რეგისტრაცია გრძელდება


MES_18_19

22 აპრილის ჩათვლით პროფესიული განათლების მიღების მსურველთა რეგისტრაცია მიმდინარეობს. ყველა დაინტერესებულ პირს აქვს შესაძლებლობა, სახელმწიფოს სრული დაფინანსებით დაეუფლოს სასურველ პროფესიას ტურიზმის, მშენებლობის, სოფლის მეურნეობის, ტრანსპორტის, ინფორმაციული ტექნოლოგიებისა და სხვა მიმართულებებით.

რეგისტრაცია წარმატებით მიმდინარეობს მცხეთის რაიონში მდებარე ილია წინამძღვრიშვილის სახელობის კოლეჯში, სადაც ძირითადად სოფლის მეურნეობის მიმართულების სპეციალობები ისწავლება. კოლეჯს განათლებისა და მეცნიერების მინისტრი და მინისტრის პირველი მოადგილე ეწვივნენ, სასწავლო ლაბორატორიები დაათვალიერეს და სტუდენტებსა და აბიტურიენტებს შეხვდნენ.

სოფელ წინამძღვრიანთკარში, პროფესიული სასწავლებლის სრული რეაბილიტაცია გასულ წელს განხორციელდა და აღსდგა საზოგადო მოღვაწისა და ქველმოქმედის ილია წინამძღვრიშვილის მიერ 1883 წელს, საკუთარ მამულში, თავისი ხარჯითა და საზოგადოების დახმარებით, გახსნილი სასოფლო–სამეურნეო სასწავლებელი. ამ ეტაპზე კოლეჯში ისწავლება მევენახეობა-მეღვინეობა, მეხილეობა, მეფუტკრეობა, სატყეო საქმე, ტრაქრორის მემანქანე, კოლეჯში ასევე ისწავლება სტილისტის, მკერავის, ელექტრიკოსის სპეციალობები. კოლეჯს ფილიალები აქვს თიანეთსა და სტეფანწმინდაში.

მცხეთა-მთიანეთში 20-მდე კერძო კომპანია ფუნქციონირებს, რომელიც მჭიდროდ თანამშრომლებს პროფესიულ სასწავლებელთან, რაც სტუდენტების დასაქმებას უწყობს ხელს.