Edu - Guide | სწავლა საზღვარგარეთ, სტაჟირებები, სტიპენდიები, styde abroud

> სწავლა საზღვარგარეთ > ვიადრინას ევროპული უნივერსიტეტი
 
ვიადრინას ევროპული უნივერსიტეტი

2ვიადრინას ევროპული უნივერსიტეტი ფრანკფურტში მდებარეობს გერმანიისა და პოლონეთის საზღვართან და მისი  გეოგრაფიული მდებარეობა ხელს უწყობს საერთაშორისო გარემოს შექმნას და დაახლოებას აღმოსავლეთ ევროპის ქვეყნებთან.

გამომდინარე იქიდან, რომ ჩვენი სტუდენტების 25% საერთაშორისო სტუდენტია და ისინი არიან მსოფლიოს 90-ზე მეტი  ქვეყნიდან, ვიადრინას უნივერსიტეტი წარმოადგენს გერმანიაში ყველაზე საერთაშორისო სასწავლებელს.

ვიადრინას აქვს მდიდარი ისტორია და და ტრადიციები. ის დაარსდა 1506 წელს და გახდა ბრანდენბურგის პირველი უნივერსიტეტი. 1811 წელს სასწავლებელი დაიხურა და ის ხელახლა დაარსდა 1991 წელს, როგორც ვიადრინას ევროპული უნივერსიტეტი.

დღეისათვის უნივერსიტეტი გთავაზობთ პროგრამებს შემდეგ 3 ფაკულტეტზე:

  • Faculty of Business Administration and Economics
  • Faculty of Social and Cultural Studies
  • Faculty of Law

ვიადრინას სტუდენტებს შესაძლებლობა ეძლევათ ისწავლონ სხვადასხვა ენებზე, შეისწავლონ 11 უცხო ენა ენათა ცენტრში და შეუერთდნენ საერთაშორისო გაცვლით პროგრამებს მსოფლიოს 260-მდე პარტნიორ უნივერსიტეტში.


საბაკალავრო პროგრამებზე აპლიკაციის გამოსაგზავნად უნდა გამოიყენოთ შემდეგი სააპლიკაციო სისტემა: UNI-ASSIST Application Service (www.uni-assist.de). სამაგისტრო პროგრამების აპლიკაცია უნდა გაიგზავნოს პოსტის მეშვეობით უნივერსიტეტის საერთაშორისო საქმეთა დეპარტამენტში.

შერჩევისა და აპლიკაციის განხილვის დროს ძირითადი ყურადღება ექცევა ნიშნების ფურცელს და ენის ცოდნის დონეს.

ჩვენს უნივერსიტეტს პარტნიორობა აქვს ი. ჯავახიშვილის სახელობის თბილისის სახელმწიფო უნივერსიტეტთან, რაც საშუალებას აძლევს თბილისის სახელმწიფო უნივერსიტეტის სტუდენტებს გაატარონ ერთი გაცვლითი სემესტრი ვიადრინას უნივერსიტეტში ერასმუსის სტიპენდიის (Erasmus+ KA107) დაფინანსებით

ჩვენი უნივერსიტეტის მეორე სასტიპენდიო პროექტია Viadrina Fast Track, რომელიც ორიენტირებულია საშუალო სკოლის სტუდენტებზე აღმოსავლეთ ევროპის ქვეყნებიდან, რომლებიც დაინტერესებულნი არიან   საბაკალავრო პროგრამით საერთაშორისო ბიზნეს ადმინისტრირებაში და ასევე, სოციალურ და კულტურულ მეცნიერებებში (სწავლება მიმდინარეობს გერმანულ ენაზე). დამატებითი ინფორმაცია შეგიძლიათ იხილოთ ბმულზე: https://www.europa-uni.de/de/internationales/Projekte/fast_track/index.html

დამატებითი ინფორმაციისთვის, გთხოვთ, ეწვიოთ ჩვენს ვებ-გვერდს ან მოგვწეროთ შემდეგ მისამართზე:

European University Viadrina

Department of International Affairs

Große Scharrnstraße 59

15230 Frankfurt (Oder)

GERMANY

ტელ: + 49 335 5534-2485

ელ.ფოსტა: international@europa-uni.de

www.europa-uni.de/en/internationales/index.html

www.study.europa-uni.de

facebook.com/ViadrinaInternational